Committee Reports > List of Committees > Seanad > 1962 > Select Committee on Statutory Instruments (Appointed 21st March, 1962) > Report No. 01 (1963) - Statutory Instruments [11]

IMEACHTAÍ AN CHOISTE.

THE PROCEEDINGS OF THE COMMITTEE.

Dé Céadaoin, 13 Meitheamh, 1962.

Wednesday, 13th June, 1962.

1. Chruinnigh an Coiste ar 4.30 p.m.

2. Comhaltaí i Láthair.

Bhí na comhaltaí seo a leanas i láthair:—

An Seanadóir Ó Briain (i gCeannas), na Seanadóirí Ó Braonáin, de Brún, Ó Deasmhumhnaigh, Ó Riain agus Sheldon.

3. Scrúdú ar Ionadaithe Roinne.

Tar éis scrúdú a dhéanamh ar M. J. Fletcher agus A. Mac Cormaic na hionadaithe faoi seach a cheap na Ranna Tailte agus Sláinte chun teacht os comhair an Choiste mar fhinnéithe de dhroim Ordaithe an 11 Aibreán, 1962—

(i) Beartaíodh: Go ndíreofar aird speisialta Sheanad Éireann ar an ionstraim seo a leanas ar fhoras (vi) den Ordú Tagartha:—

Na Rialacháin um Limistéar an Fheabhail (Líontóireacht a Shrianadh), 1961.

(ii) Beartaíodh: Nach gá aird speisialta Sheanad Éireann a dhíriú ar an ionstraim seo a leanas:—

Na Rialacháin Sláinteachais Bia (Leasú), 1961 [I.R. Uimh. 24 de 1961].

4. Breithniú ar Mheabhráin.

Tar éis meabhráin a chuir Ranna faoi bhráid an Choiste de réir Ordaithe an 11 Aibreán, 1962, a bhreithniú:—

Beartaíodh: Go ndíreofar aird speisialta Sheanad Éireann ar na hionstraimí seo a leanas ar fhoras (vi) den Ordú Tagartha:—

An tOrdú um Pá agus Liúntais an Gharda Síochána, 1961 [I.R. Uimh. 41 de 1961].

An tOrdú chun Onnmhairí a Rialú (Uimh. 2), 1961.

5. Athlá.

Chuaigh an Coiste ar athló ar 5.10 p.m.