|
|
|
|
Aguisín 4Litir agus treoir ón Roinn Airgeadais
Do gach Oifigeach Pearsanra Teicneolaíocht an Eolais agus Riachtanais na Gaeilge A Chara, Tá ordú agam ón Aire Airgeadais a rá go bhfuil breithniú déanta aige ar riachtanais a bhaineann leis an nGaeilge i dtaca le léiriú agus cur i láthair gutaí le síneadh fada, agus ábhair ghaolta eile, sa chomhthéacs go bhfuil leas forleathan á bhaint anois ag Ranna/Oifigí as próiseáil focal agus áiseanna eile ríomhaireachta chun téacs a láimhseáil. Moltar do gach Roinn/Oifig (a)Chomh fada agus is féidir an trealamh ríomhaireachta atá acu faoi láthair a chur in oiriúint le bheith in ann, laistigh dá gcuid feidhmeanna próiseála agus láimhseáil téacs, an síneadh fada a inchur agus a aschur ar gach cáipéis, a bhfuil téacs i nGaeilge mar chuid de, a seoltar chuig an bpobal. (b)Nuair a bheidh trealamh nua nó trealamh feabhsaithe á fháil acu go ndéanfar tagairt san Iarratas ar Thairiscint do na caighdeáin is cuí do léiriú carachtair ghrafacha i dtreo go mbeidh na háiseanna atá ag teastáil ar fáil sa trealamh sin. Na Ranna/Oifigí sin a bhíonn ag malartú téacs le hEagraíochtaí Stáit eile trí mheán Teicneolaíochta an Eolais níor mhiste dóibh forálacha an chiorcaláin seo a thabhairt faoi aird na nEagraíochtaí sin d’fhonn malartú mar atá luaite a éascú amach anseo. San aguisín leis seo tugtar tuilleadh eolais faoi conas an córas atá i bhfeidhm faoi láthair a chur in oiriúint agus faoi na caighdeáin ar cheart tagairt a dhéanamh dóibh in Iarratais ar Thairiscintí le haghaidh trealamh nua nó trealamh feabhsaithe. Tabhair an litir seo agus an t-aguisín seo faoi aird gach Oifigeach atá freagrach as oibriú agus ordú Aiseanna Teicneolaíochta an Eolais, le do thoil. Mise le meas, E. Embleton Rúnaí Cúnta |
||||||||||||||
|
|||||||||||||||
