|
|
|
|
TUARASCÁIL1. RéamhráTá scrúdú déanta ag an gComhchoiste ar an togra leasaithe le haghaidh Rialacháin ón gComhairle ag leagan síos comhchaighdeán maidir le cion uisce conablach reoite agus domhain-reoite éanlaithe [R/3120/75 (AGRI 822)]. Déileálann Rialachán Uimh. 2777/75 dar dáta 29 Deireadh Fómhair, 1975, le comheagrú an mhargaidh feola éanlaithe clóis, agus tá socrú ann le caighdeáin mhargaíochta a bhunú arb aidhm dóibh táirgí éanlaithe clóis a fheabhsú. An togra seo faoi láthair is leasú é ar thogra roimhe sin ón gComhairle agus is iarracht é ar an aidhm sin a shaothrú i dtreo áirithe. Ní mór chuige sin go nglacfaí le Rialachán ón gComhairle ag ordú comhchaighdeáin ag a mbeadh feidhm sa Chomhphobal maidir le cion uisce conablach reoite agus domhain-reoite éanlaithe. Tá sé deimhnithe ó thaighde atá déanta ag Ballstáit gur féidir an méid alluisce a shúann conablach éin le linn a ullmhaithe a chinneadh go beacht. Is é an Foras Talmhaíochta a sheol na tástálacha ba ghá a dhéanamh sa tír seo. 2. An Rialachán atá beartaitheLeagann Airteagal 1 ocht faoin gcéad mar theorainn leis an gcion uisce. Le nósanna imeachta rialúcháin a bhaineann Airteagal 2 agus 3. Tá na teicníochtaí rialaithe ainilíse sonraithe in Iarscríbhinní I agus II. Forálann Airteagal 4 nach ndéanfar luchtóg ar mó ná ocht faoin gcéad an cion uisce a bheidh ann a chur ar margadh mar a bheidh sé agus go ndlífidh sealbhóir luchtóige den sórt sin costas rialúcháin agus costas ainilíseacha a íoc. Tá d’oibleagáid ar gach Ballstát gníomhaireacht rialúcháin a bhunú agus pionóis a fhorordú i leith an Rialachán a shárú. Tá scrúdú déanta ar an togra ag Fochoiste eolaithe teicniúla agus tá Meitheal Oibre ón gComhairle á bhreithniú faoi láthair. Tá sé le tuiscint ón Roinn Talmhaíochta agus lascaigh nach dóigh go nglacfar leis an Rialachán beartaithe mar atá sé faoi láthair: tá sé deacair ag na Ballstáit teacht ar chomhréiteach faoi mhodhanna tástála. Ní dóigh, dá réir sin, do na comhshocruithe beartaithe a bheith i ngníomh ón 1 Bealtaine, 1976, mar bhí ceaptha. 3. Mar atá in ÉirinnOnnmhairítear tuairim is luach milliún punt sa bhliain d’éanlaithe clóis as Éirinn—chun na Breataine Móire agus go Tuaisceart Éireann a bhformhór. Feoil úr ó sheachtó go dtí ochtó faoin gcéad dá dtáirgimid d’fheoil éanlaithe clóis. Tá taispeáinte ó na tástálacha gur ó thrí go ceathair faoin gcéad an cion uisce a bhíonn inár n-éanlaithe clóis reoite agus is lú sin go mór ná caighdeáin Eorpacha. Ní deacracht ar bith dá dhroim sin do tháirgeoirí na hÉireann forálacha an togra a chomhlíonadh. Le scathamh anuas tá conablaigh éanlaithe clóis reoite á n-allmhairiú as Tuaisceart Éireann agus tharraing sin uiríolla ó tháirgeoirí agus ón dream a bhíonn ag gabháil do phróisiú go bhfuil margadh an bhaile á mhilleadh orthu féin. Tá sé le tuiscint go bhfuil toirmeasc sealadach curtha ar allmhairiú den sórt sin agus go bhfuil an scéal á phlé leis an gCoimisiún ag an Roinn Talmhaíochta agus Iascaigh. Is dealraitheach go bhfuil ní tábhachtach amháin a thugann buntáiste éagórach do lucht na trádála i dTuaisceart Éireann agus sin é an córas náisiúnta cabhrach atá i bhfeidhm ansin agus níl amhras ar bith nó déanfar gearán géar leis an gCoimisiún faoi sin. Níl sé soiléir cé mhéad a bheadh ár dtionscal próiseála féin ar neamhchothrom iomaíochta vis-á-vis a n-iomaitheoirí ó Thuaisceart Éireann dá nglacfaí leis an togra maidir leis an gcion uisce, ach is léir gur gné eile den ábhar é sin a ndlitear é a bhreithniú go fíorchúramach. 4. An Rialachán a fheidhmiúTuigtear go ndéanfaidh an tAire Talmhaíochta agus Iascaigh, má ghlactar agus nuair a ghlacfar leis an Rialachán agus thiocfadh gur leagan leasaithe air a bheadh ann, ionstraim reachtúil ag bunú gníomhaireachta rialúcháin, ag forordú pionós, etc. Meastar gurb iad an lucht cigireachta atá sa Roinn faoi láthair a dhéanfaidh an chigireacht nach foláir a dhéanamh. (Síniú) CATHAL Ó hEOCHAIDH, Cathaoirleach an Chomhchoiste. 24 Márta, 1976. |
||||||||||||
|
|||||||||||||
