Committee Reports > List of Committees > Private > 1963 > Joint Committee on the Limerick Harbour (Bridge) Bill, 1963 > Report and Proceedings - Limerick Harbour (Bridge) Bill, 1963 [Private]

SEANAD ÉIREANN.

ORDUITHE TAGARTHA.

6 Feabhra, 1963:—Beartaíodh: Go bhfuil sé oiriúnach Comhchoiste den dá Theach a cheapadh chun Bille Chuan Luimnigh (Droichead), 1963, a bhreithniú, eadhon, Bille dá ngairtear Acht do chur teorann le dualgais agus dliteanais Choimisinéirí Chuan Luimnigh maidir le droichead atá faoi láthair ar an tSionainn agus do dhéanamh socrú le haghaidh cúitimh i gcásanna áirithe.

13 Feabhra, 1963:—Ordaíodh: Go gceapfar Roghchoiste a bheidh le comhcheangal le Roghchoiste a cheapfaidh Dáil Éireann chun Bille Chuan Luimnigh (Droichead), 1963, a bhreithniú.

6 Márta, 1963:—Seanadóirí a ainmníodh chun fónamh ar an gComhchoiste:—Tomás Mac Giolla Phádraig, Eoin Ó Riain agus Liam Sheldon.

6 Márta, 1963:—Ceapadh Cathaoirleach don Chomhchoiste:—An Teachta Gearóid Suatman.

DÁIL ÉIREANN.

ORDUITHE TAGARTHA.

7 Feabhra, 1963:—Beartaíodh: Go n-aontaíonn Dáil Éireann le Seanad Éireann ina Rún a cuireadh in iúl do Dháil Éireann an 6ú lá d’Fheabhra, 1963, go bhfuil sé oiriúnach Comhchoiste den dá Theach a cheapadh chun Bille Chuan Luimnigh (Droichead), 1963, a bhreithniú.

14 Feabhra, 1963:—Ordaíodh: Go gceapfar Roghchoiste a bheidh le comhcheangal le Roghchoiste atá ceaptha ag Seanad Éireann chun Bille Chuan Luimnigh (Droichead), 1963, a bhreithniú.

7 Márta, 1963:—Teachtaí a ainmníodh chun fónamh ar an gComhchoiste:—Seoirse Ó Colla, Seán Mac Coilín agus Seán Ó Treasaigh.

7 Márta, 1963:—Ceapadh Cathaoirleach don Chomhchoiste:—An Teachta Gearóid Suatman.