|
|
|
|
DÁIL ÉIREANN.ORDUITHE TAGARTHA.29 Bealtaine, 1957:—D’ordaíodh: Go ndéanfar, de bhun Buan-Orduithe Uimh. 109 de na Buan-Orduithe a bhaineas le Gnó Poiblí, Rogha-Choiste a cheapadh a bheas le comh-cheangal le Rogha-Choiste ó Sheanad Éireann chun an Buan-Chomh-Choiste um Billí Comhdhlúite a chomhdhéanamh; agus gurb é an Coiste Roghnaitheoireachta a ainmneos comhaltaí an Choiste [Rúnaí Parlaiminte an Taoisigh]. D’ordaíodh: Teachtaireacht a chur chun an tSeanaid á chur sin in iúl dó. 5 Meitheamh, 1957:—Teachtaireacht ón Seanad: “Tá Seanad Éireann tar éis an tOrdú seo a leanas a dhéanamh:— ‘Go ndéanfar, de bhun Buan-Orduithe 91 F de na Buan-Orduithe i dtaobh Gnótha Phoiblí, Rogha-Choiste a cheapadh a bheas le comhcheangal le Rogha-Choiste ó Dháil Éireann chun an Buan-Chomh-Choiste um Billí Comhdhlúite a chomhdhéanamh agus go ndéanfar ainmniú comhaltaí an Rogha-Choiste a chur faoi bhráid an Choiste Roghnaitheoireachta.”’ 13 Meitheamh, 1957:—Comhaltaí a hainmníodh chun fónamh ar an mBuan-Chomh-Choiste um Billí Comhdhlúite: Na Teachtaí Seán Ó Flannagáin, Séarlas Ó hEachaidh agus Pádraig Ó Domhnaill. 20 Samhain, 1957:—Teachtaireacht ón Seanad: “Tá Seanad Éireann tar éis an Rún seo a leanas a rith agus is mian leo Dáil Éireann do chomhaontú leis:— ‘Go bhfuil sé oiriúnach Bille na Míngeacha Millteacha agus na Loitmhíola (Comhdhlúthú) 1957, a chur faoi bhráid an Bhuan-Chomh-Choiste um Billí Comhdhlúite.”’ Beartaíodh: Go n-aontaíonn an Dáil leis an Seanad ina Rún a cuireadh in iúl don Dáil an 13ú lá de Shamhain, 1957, go bhfuil sé oiriúnach Bille na Míngeacha Millteacha agus na Loitmhíola (Comhdhlúthú), 1957, a chur faoi bhráid an Bhuan-Chomh-Choiste um Billí Comhdhlúite [An tAire Talmhaíochta]. D’ordaíodh: Teachtaireacht a chur chun an tSeanaid á chur sin in iúl dó. 28 Samhain, 1957:—D’ordaíodh: Go gcuirfear Bille na Míngeacha Millteacha agus na Loitmhíola (Comhdhlúthú), 1957, faoi bhráid an Bhuan-Chomh-Choiste um Billí Comhdhlúite. D’ordaíodh: Go gcomórfar an chéad chruinniú den Choiste ar dháta nach luaithe ná 5 Nollaig, 1957 [An tAire Gnóthaí Eachtracha]. D’ordaíodh: Teachtaireacht a chur chun an tSeanaid á chur sin in iúl dó. SEANAD ÉIREANN.ORDUITHE TAGARTHA.5 Meitheamh, 1957:—Teachtaireacht ón Dáil: “Tá Dáil Éireann tar éis an tOrdú seo a leanas do dhéanamh:— ‘Go ndéanfar, de bhun Buan-Orduithe Uimh. 109 de na Buan-Orduithe a bhaineas le Gnó Poiblí, Rogha-Choiste a cheapadh a bheas le comh-cheangal le Rogha-Choiste ó Sheanad Éireann chun an Buan-Chomh-Choiste um Billí Comhdhlúite a chomhdhéanamh; agus gurb é an Coiste Roghnaitheoireachta a ainmneos comhaltaí an Choiste.”’ D’ordaíodh: Go ndéanfar, de bhun Buan-Orduithe 91 F de na Buan-Orduithe i dtaobh Gnótha Phoiblí, Rogha-Choiste a cheapadh a bheas le chomhcheangal le Rogha-Choiste ó Dháil Éireann chun an Buan-Chomh-Choiste um Billí Comhdhlúite a chomhdhéanamh agus go ndéanfar ainmniú comhaltaí an Rogha-Choiste a chur faoi bhráid an Choiste Roghnaitheoireachta [An Seanadóir Ó Ciosáin]. 19 Meitheamh, 1957:—Seanadóirí a hainmníodh chun fónamh ar an mBuan-Chomh-Choiste: Na Seanadóirí Brian Ó Líonacháin, Seán Ó Coigligh agus Eoin Ó Riain. 13 Samhain, 1957:—Beartaíodh: Go bhfuil sé oiriúnach go gcuirfear Bille na Míngeacha Millteacha agus na Loitmhíola (Comhdhlúthú), 1957, faoi bhráid an Bhuan-Chomh-Choiste um Billí Comhdhlúite [An Seanadóir Ó Ciosáin]. D’ordaíodh: Teachtaireacht a chur chun na Dála á chur sin in iúl di. 27 Samhain, 1957:—Léadh Ordú an lae chun an Teachtaireacht seo a leanas ón Dáil a bhreithniú:— “Tá Dáil Éireann tar éis an Rún seo a leanas a rith:— ‘Go n-aontaíonn an Dáil leis an Seanad ina Rún a cuireadh in iúl don Dáil an 13ú lá de Shamhain, 1957, go bhfuil sé oiriúnach Bille na Míngeacha Millteacha agus na Loitmhíola (Comhdhlúthú), 1957, a chur faoi bhráid an Bhuan-Chomh-Choiste um Billí Comhdhlúite.”’ D’ordaiodh: Go gcuirfear Bille na Míngeacha Millteacha agus na Loitmhíola (Comhdhlúthú), 1957, faoi bhráid an Bhuan-Chomh-Choiste um Billí Comhdhlúite. D’ordaíodh: Go gcomórfar an chéad chruinniú den Choiste ar dháta nach luaithe ná 5 Nollaig, 1957 [An Seanadóir Tomás Ó Maoláin]. D’ordaíodh: Teachtaireacht a chur chun na Dála á chur sin in iúl di. 4 Nollaig, 1957:—Fuarthas an Teachtaireacht seo a leanas ón Dáil:— “Rinne Dáil Éireann na horduithe seo a leanas:— ‘Go gcuirfear Bille na Míngeacha Millteacha agus na Loitmhíola (Comhdhlúthú), 1957, faoi bhráid an Bhuan-Chomh-Choiste um Billí Comhdhlúite.’ Go gcomórfar an chéad chruinniú den Choiste ar dháta nach luaithe ná 5 Nollaig, 1957.”’ |
||||||||||||
|
|||||||||||||
