Committee Reports > List of Committees > Seanad > 1951 > Committee on Procedure and Privileges > Report - Provision for Contingency where both Clerk and Clerk Assistant of the House are absent

SEANAD ÉIREANN.

AN COISTE UM NOS IMEACHTA AGUS PRIBHLEIDI.

TUARASCAIL AR SHOCRU DO THEAGMHAS INA MBEADH CLEIREACH AGUS LEAS-CHLEIREACH AN TI AS LATHAIR I gCOMHTHRATH.

1. Rinne an Coiste breithniú ar an staid a tharla toisc Cléireach agus Leas-Chléireach an Tí a bheith as láthair i gcomhthráth de dheasca breoiteachta, ag féachaint do na dualgais reachtúla a cuirtear ar an gCléireach agus, i gcás eisean a bheith as láthair, ar an Leas-Chléireach le hAcht Toghcháin an tSeanaid (Rolla-Chomhaltaí), 1947.

2. Aontaíonn an Coiste gur ceart, sa teagmhas adúradh, cumhacht a thabhairt trí Bhuan-Ordú don Chathaoirleach chun duine le chomhfhoirinn Thithe an Oireachtais a cheapadh mar Chléireach gníomhach don tSeanad pé uair agus go ceann pé tréimhse a bheadh gá leis an gceapachán sin ionas nach gcuirfí isteach ar riaradh Achta Toghcháin an tSeanaid (Rolla-Chomhaltaí), 1947.

3. Molann an Coiste go nglacfaí leis seo a leanas mar Bhuan-Ordú ag Seanad Éireann:—

Neamhláithreacht an Chléirigh agus an Leas-Chléirigh.

63a. Má bhíonn an Cléireach agus an Leas-Chléireach éagumasach i gcomhthráth, de dheasca breoiteachta nó cúise eile, ar a ndualgais a chomhlíonadh, féadtaidh an Cathaoirleach duine de chomhfhoirinn Thithe an Oireachtais a cheapadh chun bheith ina Chléireach gníomhach faid a bheas an Cléireach agus an Leas-Chléireach éagumasach ar fheidhmiú, agus déanfaidh an Cléireach gníomhach sin dualgais uile an Chléirigh a chomhlíonadh, agus cumhachta agus feidhmeanna uile an Chléirigh d’fheidhmiú, de thuras na huaire.

TADHG O DONNABHÁIN,

Cathaoirleach.

14ú Márta, 1951.